公司有責任準時向員工出糧。不過，有人妻則在網上發文，大呻由於丈夫的公司經常遲出糧，而丈夫更在未支付卡數及未繳交屋租下私自向下屬支付薪金，令她直言「嬲到想離婚」。
該名人妻早前向Facebook專頁「辦公室日報」投稿，提到自己原本與丈夫在同一間公司工作並因此認識對方，而她則在婚後辭職。她續指，公司老闆經常遲出糧，「係次次都拖最少一個星期先出，最過份一次係廿幾號先出糧，仲要欠供強積金」，並指「有同事曾經告發過老細唔供強積金，警告完，老細又交返，然後耐唔耐又遲供」，因此有不少同事已先後離職，而丈夫則繼續留在公司工作。樓主引述丈夫指，「佢話自己年紀大好難轉，邊做邊搵喎，呢句都講咗3年喇」。
她續指，「佢唔走我都冇辦法，但係最近竟然畀我知道佢代老細『埋單』，私底下走去出糧畀幾個下屬」，並指「呢單嘢係源於佢有卡數未找，銀行寄咗封追數信過嚟先至發現」，並指自己隨即「嬲到著晒火」。她指，原本以為丈夫是因為開支增加導致「冇錢交卡數」，或是老闆拖糧的問題愈來愈嚴重，經過再三追問下，丈夫才坦承有下屬稱沒錢交租，由於他擔心對方會被迫遷，「跟住就私人拎咗筆錢出嚟畀人解燃眉之急，叫個下屬出糧之後還畀佢」。她指，當相關消息傳開後，另一名下屬隨即「有樣學樣」，並指「其實我老公有4個下屬，當中3個都係咁樣，得一個話唔使出住先，咁樣會唔會太過份呀？」
樓主續指，該3名下屬的薪金分別是25,000、27,500及31,000元，而丈夫的「代出糧」行為已持續半年，「即係每個月頭自己未有糧出，已經要幫公司墊支83,500畀人」。她續指，「佢3個下屬一出糧係有畀返佢，但係你幫公司出住糧先會唔會做多咗呀？」 她指，兩人經常因為此事而吵架，「最把火係佢12月底竟然仲代公司出住雙糧畀3個下屬，即係83,500 x 2，16萬7呀大佬！唔怪得會連萬幾蚊卡數都找唔到，搞到要收銀行追數信啦，再問之下，發現我哋兩公婆住緊嗰度都未交租。」樓主隨即動用自己的金錢支付租金，並在聯絡業主後得知丈夫近半年經常遲交租金，令她直斥「你老細冇聲譽，都唔好影響到自己冇聲譽吖嘛」。
樓主指，敬重丈夫有義氣，「如果佢唔係我老公，我只係打份工而有個咁嘅上司，一定會覺得好好」，但認為歸根究底是老闆及公司有問題，「代出糧畀下屬係治標唔治本」。她直言「幫公司出糧畀下屬真係over咗喇，你話我呢個老婆諗法自私都好，超級英雄呀？每個人都有自己嘅難題同埋包袱㗎啦！你救得幾多個先？你都自身難保喎！」她又指，自己亦有做兼職以幫補家計，亦未有再向丈夫收取家用，「亦唔係計較我要用自己錢交租同幫你找卡數，不過你英雄主義走去墊支畀下屬，我呢個做老婆嘅咪又係牽連落去要一齊『埋單』」。她又大呻「日日家嘈屋閉，我真係嬲到想離婚！」
相關帖文隨即引起熱議，有網民直言「自己屋企未搞掂，租都未交，走去幫人！？下屬遲早一日走你數。而且遲出糧仲唔告個老闆！？義氣當飯食！？」、「如果公司執笠，好大鑊喎」、「成件事得老婆一個係正常，其他人全部都好有問題囉」、「大佬，大家都有頭家，咪團結起嚟，搞個老細囉，做乜拖埋自己頭家落去」、「唔好做呢啲懶好人啦，老細係唔會多謝你㗎」、「貼錢打工真心傻」等。
部分人則勸喻樓主離婚，並指「唔使諗，快離婚。有能力去幫人叫幫人，無能力去幫人叫不自量力、不負責任」、「自己都未搞掂，仲要有義氣幫人，嫁咗呢啲冇本事但又要懶偉大義氣行先的人，一定唔會有幸福的，如果冇仔女真係選擇止蝕分開」等。
資料來源：辦公室日報、星島日報
好工推介
職場熱話
- 1
- 2
-
高校畢業生調侃「當代孔乙己」學歷成負擔
TOP 1 -
美高中生選做學徒大增 全民上大學模式漸式微
TOP 2 -
高等文憑獲多方認可 升學就業 一舉兩得
TOP 3 -
18項工傷及職業病補償 下月中調高金額2％至19％
TOP 4 -
去年第四度本地居民總收入7744億元 同期下跌0.5％
TOP 5
-
社會復常 政府擬停有時限職位撥款 三輪曾創造90000職位
TOP 6 -
年輕人憧憬工作生活平衡 南韓擱置每周工時上限69小時方案
TOP 7 -
商經局招聘行政助理 月薪$32,545
TOP 8 -
45％僱主擬來季增聘員工 資訊科技、醫療保健「搶人」
TOP 9 -
深圳公司招聘要求食素 負責人：保證每個人都很有福氣
TOP 10
-
Meta計劃再裁員1萬人 4個月內第二輪大幅裁員
TOP 11 -
72％女員工依賴混合工作模式
TOP 12 -
政府統計處招聘助理外勤統計主任 月薪2萬至3.5萬
TOP 13 -
發掘員工獨特才華 為業務注入新動力
TOP 14 -
創新科技配合ESG策略 廣納人才邁向專業發展
TOP 15
-
為了吸引及留住人才 82％企業計劃提高薪酬和福利
TOP 16 -
嶺大調查：4成受訪青年認為自己貧窮 時薪71.6元才滿足生活
TOP 17 -
深圳女棄年薪30萬筍工開兩餸飯店 「以後唔駛面對KPI」
TOP 18 -
運動健將成理財界新星 以體育精神為事業衝刺
TOP 19 -
青年培訓及就業GPS 動畫導演 創意創科達人 健身教練 分享行業心得
TOP 20
